ٹیکنالوجی کمپنی سام سنگ الیکٹرونکس کی جانب سے سام سنگ ڈاٹ کام پر فروخت کے لیے پیش کیا جانے والا ’گلیکسی زی ٹرائی فولڈ‘ کا تیسرا بیچ دو منٹ میں بِک گیا۔ 2400 ڈالر سے 2500 ڈالر کے درمیان مالیت کی اس ڈیوائس نے اپنا ’سولڈ آؤٹ‘ کا سلسلہ برقرار رکھا ہے۔
سام سنگ نے اپنے زی ٹرائی فولڈ کا تیسرا بیچ 6 جنوری 2026 بروز منگل کو مقامی وقت کے مطابق صبح 10 بجے فروخت کے لیے پیش کیا۔
کمپنی نے یہ واضح نہیں کیا کہ وہ فروخت کے لیے کتنے یونٹس پیش کر رہا ہے لیکن یہ ضرور بتایا کہ ڈیوائسز بہت محدود ہوں گی۔
